A Xunta de Persoal da provincia de Ourense negociou onte coa Inspección educativa as vacantes ofertadas para o próximo concurso de traslados.
CCOO ostenta nesta provincia a presidencia da Xunta de Persoal que é un medio democrático establecido para a negociación das condicións de traballo dos docentes.
No resto das provincias, as presidencias das Xuntas de Persoal permanecen inactivas. Por elo, os representantes de CCOO solicitaron por escrito ante a presidencia das Xuntas de Persoal de Coruña, Lugo e Pontevedra que, seguindo o exemplo de Ourense, se inste á inspección a negociar as vacantes antes de ser publicadas de xeito provisional.
Dende a Federación do Ensino de CCOO continuamos a traballar por un sindicalismo baseado na acción e na negociación.
ASISTENCIA SANITARIA PARA O PERSOAL AFILIADO A MUFACE
No 2010 as compañías MAPFRE FAMILIAR, CASER e A NOVA EQUITATIVA non prestarán asistencia sanitaria ó persoal de MUFACE.
MUFACE comunicou á FE-CCOO queporase en contacto cos mutualistas afectados para comunicar:
A necesidade de cambiar, e as compañías que hai concertadas para 2010, ademáis da Seguridade Social, ás que pode “apuntarse”.
A posibilidade de facer o cambio, ademáis de directamente, tamén por Internet.
O prazo será do 16 de decembro de 2009 ata o 31 de xaneiro de 2010.
O dereito a ser atendido pola actual compañía ata o 31 de xaneiro de 2010 ou en caso de hospitalización ou maternidade ata a alta correspondente. (VER INFÓRMATE)
27 de octubre de 2009
ENSINO CONCERTADO
PRÓXIMA REUNIÓN DA COMISIÓN TRIPARTITA DO ENSINO PRIVADO CONCERTADO
CC.OO. informa que, na reunión da Mesa de Negociación do 23 de outubro, o Ministerio de Educación manifestou que, para as oposicións de 2010 de ingreso no Corpo de Profesores Técnicos de Formación Profesional en todas as súas especialidades, non se requerirán ningunha formación pedagóxica ou didáctica específica. É dicir, non se precisará o máster, igual que antes non se esixía o CAP.
26 de octubre de 2009
ENSINANZAS ARTÍSTICAS
REAL DECRETO POLO QUE SE ESTABLECE A ORDENACIÓN DAS ENSINANZAS ARTÍSTICAS SUPERIORES REGULADAS POLA LEI ORGÁNICA 2/2006, DO 3 DE MAIO, DE EDUCACIÓN
Resolución do 13 de outubro de 2009, da Dirección Xeral de Centros e Recursos Humanos, pola que se comunica a apertura dun prazo para solicitar prazas de interinidades ou substitucións para impartir docencia de relixión no nivel de educación secundaria obrigatoria e bacharelato nos centros docentes públicos que dependen da Consellería de Educación e Ordenación Universitaria.
PRESENTADO PARA A SÚA NEGOCIACIÓN O PROXECTO DE REAL DECRETO POLO QUE SE REGULA O CONCURSO DE TRASLADOS DE ÁMBITO ESTATAL ENTRE FUNCIONARIOS DOS CORPOS DOCENTES NON UNIVERSITARIOS.
Tras o exitoso e concorrido peche nas EEOOII de Ferrol, Pontevedra, A Coruña e Vigo, onte, 19 de outubro, comezou o peche da EOI de Ourense. A case totalidade dos docentes participan nos peches en quendas que non interrompen o normal desenrolo das clases.
A Federación de Ensino de CCOO apoia e participa activamente co profesorado das Escolas de Idiomas nos peches que comezaron o luns 5 de outubro na escola de Ferrol. Estas medidas foron acordadas polo profesorado das EEOOII, CCOO e o resto de organizacións sindicais para solicitar a apertura de negociacións e a retirada da Circular 5/2009, que foi imposta pola Consellería de Educación de xeito unilateral e sen negociación.
Os peches continuarán en Monforte, Ribadeo, Lugo e Santiago. VER FOTOS DOS PECHES
19 de octubre de 2009
SUBSTITUTOS PÚBLICA
A FE-CCOO RATIFICA A VALIDEZ DO ACORDO
Dende a FE-CCOO queremos enviar unha mensaxe de tranquilidade a todo o profesorado substituto afectado polas citacións da Inspección de Traballo.
Nestes últimos días, dende a Federación do Ensino de CCOO, levamos a cabo xestións ante a Inspección de Traballo da provincia de Coruña, froito das cales dita administración decide inhibirse do proceso iniciado sobre o cobro dos meses de verán do profesorado substituto que traballou máis de cinco meses e medio durante o curso académico.
Na Comisión de Seguimento da Addenda celebrada hoxe 16 de outubro, tanto a Consellería de Educación como as organizacións asinantes de dita addenda, CCOO, ANPE e CSIF, ratificamos a validez da mesma e a adecuación ao marco xurídico vixente.
A FE-CCOO seguiremos pendentes da situación destes traballadores e, se persisten os problemas, tomaremos as medidas oportunas.
15 de octubre de 2009
ESAD
CCOO SOLICITA A CONVOCATORIA URXENTE DUNHA MESA SECTORIAL PARA ABORDAR A PROBLEMÁTICA DA ESAD DE CARA Á SÚA INTEGRACIÓN NO ESPAZO EUROPEO DE EDUCACIÓN SUPERIOR.
A INSPECCIÓN DE TRABALLO INHÍBESE NA CUESTIÓN DOS CONTRATOS DO PROFESORADO INTERINO E SUBSTITUTO LOGO DA XESTIÓN DE CCOO
As xestións realizadas por CCOO ante a Inspección de Traballo sobre o cobro dos meses de verán do profesorado substituto que traballou máis de cinco meses e medio durante o curso académico tivo como resultado a inhibición da mesma, trasladando esta cuestión ao INEM. CCOO demanda a solución inmediata dos problemas xurdidos entre a Consellería de Educación e a Inspección de Traballo. En ningún caso debe ser o traballador o que pague os erros cometidos pola Administración.
CCOO quere ratificar a validez da Addenda do 11 de xullo de 2006 pola que todos os docentes substitutos con máis de cinco meses e medio traballados cobran o verán. É consecuencia da sinatura de dita Addenda, por CCOO, ANPE e CSIF, o cobro dos dous meses. Durante moitos anos todas as OOSS tiñamos a mesma demanda pero esta non se fixo efectiva ata a sinatura do Acordo.
A FE-CCOO insta á Consellería a resolver con urxencia o pago dos sexenios do profesorado nomeado desde o 1 de setembro de 2008 como funcionario de carreira.
Este profesorado accedeu á función pública na convocatoria de oposicións do ano 2007 e leva, polo tanto, un ano sen percibir a suba salarial nas súas nóminas que corresponden a sexenios. As circunstancias son persoais e así, hai funcionarios que acumulan ata 3 sexenios o que supón un incremento de 250 euros mensuais e de 3000 euros anuais.
A esta débeda da Administración súmase a situación dos nomeados funcionarios de carreira en setembro de 2009 (aprobados da oposición de 2008) que xa terían que percibir os sexenios na próxima nómina de outubro.
A Federación do Ensino de CCOO demanda o PAGO INMEDIATO dos sexenios.
