A autora do libro, Carmen Perona Mata, abogada de CCOO e con máis de vinte publicacións sobre a materia, analiza neste texto todos e cada un dos artigos da Lei 7/2007, do Estatuto Básico do Empregado Público, con xurisprudencia e doctrina aplicable ao efecto. A presentación será o XOVES 27 DE MARZO na Galería Sargadelos de Santiago de Compostela (Rúa Nova 16) ás 18:00 O LIBRO ESTÁ A DISPOSICIÓN DE TODAS/OS NOS LOCAIS DE CCOO.

O Día da Clase Obreira Galega celébrase cada 10 de marzo desde que ese mesmo día de 1972 a policía franquista asasinara en Ferrol os militantes de CCOO Amador Rey e Daniel Niebla, que se manifestaban reclamando as liberdades democráticas, o autogoberno para Galicia e o asinamento dun convenio colectivo na súa empresa (Bazán), co obxectivo de mellorar as condicións de traballo e a calidade de vida dos traballadores e traballadoras. A importancia deste día fixo que o Parlamento galego, a pedimento do Sindicato Nacional de CC OO de Galicia, aprobara por unanimidade o 5 de marzo de 1997 unha declaración institucional sobre o 10 de Marzo na que se recoñecía o significado histórico desta data. No ano 2006 declarouse oficialmente o 10 de Marzo como o Día da Clase Obreira Galega.

A Federación do Ensino de CCOO de Galicia reitera e reforza o seu compromiso e responsabilidade co avance das políticas de igualdade e fai un chamamento aos partidos políticos que concorren ás eleccións lexislativas a promoveren accións para facer efectiva a igualdade real de mulleres e homes nos distintos ámbitos da vida social, laboral, política e económica